Әр халықтың ана тілі — білімнің кілті… Біздің жастарымыз ана тіліне жетіп, білімді, мәдениетті болсын.

Ахмет Жұбанов

Ана тілім менің. Сен маған ризасың ба, білмеймін, бірақ менің тілегім де сенсің, сені мақтан етем.

Расул Ғамзатов

Әркімнің туған тілі — туған шеше,

Оған бала міндетті сан мың есе.

Сәбит Мұқанов

… ана тілі қайнаған қанның, қиналған жанның, толғантқан көңілдің, лүпілдеген жүректің сығындысы, онда дәм де, мән де болу керек.

Сұлтанмахмұт Торайғыров

Ана тілін ұмытқан адам өз халқының өткенінен де, болашағынан да қол үзеді.

Ғабит Мүсірепов

Анамыздың ақ сүтімен бойымызға дарыған тілімізді ұмыту — бүкіл ата-бабамызды, тарихымызды ұмыту.

Бауыржан Момышұлы

Уа, туған тіл… ата-анамның тілі!

Ең әуелі осы тілмен, шешем бесікті тербеген,

Ұзақ түнге әжем менің, хикаялар сөйлеген.

Уа, туған тіл! Әр уақытта, көмегіңмен бір сенің,

Сәби күннен сезілетін, шаттығым, қайғым менің.

Ғабдолла Тоқай

Нағыз түрік затты халық тілі – біздің қазақта.

Әлихан Бөкейхан 

 

 Біздің қазақ бауырларымыз аталы сөзді өте түсінетін, өте зерек халық.

Сайфи Құдаш

 

 Біз тілімізді қанша сақтасақ, ұлтымызды да сонша сақтаған боламыз.

Ғұмар Қараш

 

 Түрік тілінің ішіндегі гауһары – қазақ тілі.

Мәшһүр Жүсіп Көпейұлы

 

 Қасиетін сезем деп ана тілдің,

Қауырсыны қалмады қанатымның.

Мұқағали Мақатаев

 

Тіл – діліміздің діңгегі, салт-дәстүріміздің қайнар бұлағы.

         Амангелді Ермегияев            

 

 Қазақ тілі – қазақтың маңдайындағы жалғыз жарық жұлдызы.

Асылы Осман

 

..Қазіргі ең таза, ең бай, ең табиғи және бұзылмай, бұрынғы қалпында сақталып қалған тіл болса, ол да – қазақ тілі және қазақ әдебиеті, шын ғылым үшін біз мұны ашық айтуымыз керек.

А. Саади