Адам көңілден азады, тілден жазады.
* * *
Ана тілің алпыс тілге татиды.* * *
Ат жүйрігі айырады, тіл жүйрігі қайырады.* * *
Атағыңды өсіретін де, өшіретін де – тіл.
* * *
Аузы құлып сандықты тіс ашпаса, тіл ашады.
* * *
Ашынған тілді болар,
Ашыққан ұры болар.
* * *
Ауызда жиек жоқ,
Тілде тиек жоқ.
* * *
Әрбір халық өзінің ана тілінде ғана бақытты.* * *
Бас кеспек бар, тіл кеспек жоқ.
* * *
Бал тамған тілден у да тамар.
* * *
Жаман көлдің суы ащы, жаман қатынның тілі ащы.* * *
Жалтақтамай өзге тілді ұлысқа,
Ең алдымен өз тіліңді дұрыста.
* * *
Көнектей басыңа шүмектей тілің жау.
* * *
Қазақтың ақылы – көзінде,
Қасиеті сөзінде.
* * *
Қотыр қолдан, пәле тілден жұғады.
* * *
Кісі қызыл тілден өледі,
Түлкі қызыл жүннен өледі.
* * *
Қылыш жарасы бітер,
Тіл жарасы бітпес.
* * *
Қызыл тіл – жанның мияты,
Абырой – ердің қуаты.
* * *
Мал басынан байланады,
Адам тілінен байланады.
* * *
Малға кедей – жарлы,
Тілге кедей – сорлы.
* * *
Ішімдегінің бәрі тілімде,
Тілімдегінің бәрі түрімде.
* * *
Өнер алды – қызыл тіл.
* * *
Өз тілің – бірлік үшін,
Өзге тіл – тірлік үшін.
* * *
Сөз – көмек, тіл – құрал.* * *
Тілін білмейтіндер емес, тілін білгісі келмейтіндер – мәңгүрт.* * *
Тіл – тас жарады, тас жармаса да бас жарады.* * *
Тіл – ұлттың сүйенетін тамыры,Сыйынатын тәңірі.
* * *
Тілден тілдің кеңдігі болғанымен, кемдігі жоқ.
* * *
Тіл қоса алар жер мен көктің арасын,
Тіл айырар анасынан баласын.
* * *
Тіл – білім, тәрбие тұғыры.
* * *
Тіл – достықтың мерейі.
* * *
Тілді қорлау – халықты қорлау.
* * *
Тіл - өлшеусіз қазына, өрісі кең әлем.* * *
Тіл – тәуелсіздік тұғыры.* * *
Тіл – татулық тірегі.
* * *
Тіл ерді қабірге салады,Нарды қазанға салады.
* * *
Туған ел – тұғырың,Туған тіл – қыдырың.
* * *
Ұлттың өшуі тілдің өшуінен басталады.